IM LETSCHTE JOOR DAS KA ME FASCHNT NIT GLAUBE
HÄN MIR E WEIDLIGSAISON WO EIM DUET NÄRVE RAUBE
JEDE WETTKAMPF MIT ME KLEINE TEAM
GÖHN MIR ANS LIMIT S ISCH E RÄCHTE DREAM
S VOT A MIT NEUE WO FÜR E FCB WÄNN STARTE
DIE HÄNN E SCHNURRE WIE DIE GRÖSCHTI SPÄCKLI SCHWARTE
DOCH DEN ANDY ISCH LIEBE UND E GLATTE
BRINGT SI LEISCHTIG UFF DIE RICHTIG HOCHI LATTE
SÖTTSCH DÄ KÄRLI EIFACH NIT Z VIEL FROOGE
SUSCHT GOHTS DR WIE DE HÄTSCH IM GSCHÄFT NO HUNDERT
SCHWOOBE
AU DE WIDMER UND DE SANDRO BRINGES DICK
ME HETT FASCHT S GFÜHLI DIE VERISSE NO E STRICK
IM TRAINING LOCKER SI NÄÄMES NIT SO STRÄNG
DOCH WENN SI BRUCHSCH MACHTS DENN RICHTIG PÄNG
WENN DIE WÖTTE JO DAS DÄNKE NO E HUFFE
WÜRDE DIE ZWEI NUR HALT NIT SO VIEL SUFFE
AU DE FABIAN UND DE SEBA SINN NIT FUUL
WÄR VO BEIDNE KA NUR HALTE NIE SIE MUUL
IM TROCKE TRAINING IN DE BEIZ ISCH ÄR E STAR
NACH E FÜNFTE BIER WIRD'S DÄM ERSCHT RICHTIG KLAR
DE FABIAN KA DEN EIFACH NUMME HOFFE
DAS BIS ZUM START VOM WETTKAMPF DÄ ISCH NIT GANZ
BSOFFE
DENN FAHRT DE GREGI MIT EM THOMI SO GANZ SPONTAN
JO DIE ZWEI ZIEHN UNS ALLI IN IHRE WAHNN
SI FINDE D STRECKI UND LOCKER JEDI BÖIJE
E BUUR WÜRD SAAGE DAS ISCH BESSER ALS SCHLÄCHT HEUE
DOCH DIE ZWEI BRINGE E LEISCHTIG SO RICHTIG GLATT
SI SINN IM ZIEL UND MIR MIT IHNE ALLI PLATT
DENN UNSRE JARI MIT EM ROBIN JO SI KUMPEL
DIE ZWEI FAHRE HEERLIG UND NIT WIE TSCHUMPEL
IM VOORUS TRÄUME SI BEIDI VOMENE KRANZ
SI HOFFE DENN SI SIGE NIT AM SCHWANZ
NEI D RANGLISCHTE LOOST DIE BEIDE JUUBLE
WÖTSCH DÄ HIT DEN NOOMOL GSEH JO DENN MUESCH GO
GOOGLE
UNSRE STADELMANN AU DÄ BRINGT UNS ZUM STRAHLE
NIT WIE ANDRI DUET ÄR NUMME UMME BRAHLE
IM WETTKAMPF FALLT ÄR UFF MIT SINERE FAHNE
MIR ALLI ZÄMME KÖNNE DÖRT JO NONI AHNE
DAS ÄR UFF DE BÜHNI ISCH DE GROSSI STAR
SI JUUBELFREUD ISCH EIFACH WUNDERBAAR
A SI PARTNER ISCH DENN GSI DE SEDI NÄF
AU ÄR BRINGST FERTIG UND GOHT KEIM MOOL UFF E NÄRF
AU OHNNI GASHAHN FAHRT ÄR LOCKER ÜBER D STRECKI
SI STIIHL ISCH SICHER JO ES ISCH HALT UNSRE SEDI
WENN ME DÄNKT WAS DUET ALLES LEISCHTE
MACHT ÄR MEH ALS IM RHYBORD JO DIE MEISCHTE
DE JULI, KILI, UND DE JUSTIN S ISCH E HIT
FALLE UFF BIM FAHRE AU DIE MACHE MOOL KEI SCHITT
SI STACHLE RUEDERE UND PAASE AU MOOL UFF
UF EM RHY GITS JETZT AU MOOL KEI BUFF
AU SI FAHRE MIT EM RICHTIG HOLZ
UND EHHRLIG GSEIT MACHE DIE UNS AU NO STOLZ
DENN UNSRE PRÄSI MARZIO MIT SIMM KUMMPEL YVES
SCHLÖÖHN RICHTIG ZU UND GWÜNNE FASCHT E PRYYS
KNAPP AM KRANZ VORBI WÄR HÄTTI DAS NO DÄNKT
UFF DE STRECKI FASCHT E FÄHRI NO VERSÄNKT
SI GNIEESE DEN AM ZIEL DEN IHRE JUUBEL
UND BEKÖÖME BIER ABER HALT AU KEI RUUBEL
S NOEMI FAHRT MIT EM ROBIN NO E DOPPEL
EHHRLIGG GSEIT FAHRE DIE NIT WIE E TROTTEL
E SPITZE RESULTAT ISCH AM SCHLUSS GAR DINNE
AU FÜR SIE KÖNNE MIR DENN NUUME SINGE
WENN IHR SO WITTER MACHTE DAS ISCH ALLNE KLAR
WÄRDET IHR IM SIE UND ÄR DIE GROSSE STAR
AU DE SILVAN UND DE TIM WÄR HATT DAS DÄNKT
FAHHRE LOS AM START ALS WÜRDI EBBIS GSCHÄNKT
SI HÄNN BEIDI E FREUT AN IHREM FAAHRE
BIM TRINKE HINTE NOCH MIEN SIE DENN AU NIT SPAARE
MIR ALLI SINN UNS DOCH SO RICHTIG EINIG
AU MIT SPASS DEBI ISCH E GUETI MEINIG
AU DE VORSTAND HETT UNS RICHTIG UNTERSTÜTZT
ME DÖRF AU SAAGE ES HETT AU EBBIS GNÜTZT
E FEINI STIMMIG BRINGE SI DOCH ALLI I
OB DANI, EVELYN ODER URS SI SINN DEBI
AU IM FESCHTZÄÄLT ZEIGI SI E FREUT MIT UNS NÄMME
SO FYYRE SI AU MIT UNS ALLNE ZÄMME
DEN FANCLUB HÄNN MIR KA E RIESE GLATTI SACH
SI KÖÖME ALLI JUUBLE RIEFE MACHE ALLI SCHWACH
AU IHR SIND CHAMPIONS GHÖRE DO DEZUE
IM ZÄÄLT ISCH DANK EUCH DENN AU NIE RICHTIG RUEH
MACHET WITTER SO UND DUENT AU WITTER SCHWANKE
UNS BLLIBT SAAGE DO NUR E RICHTIGS DANKE
JETZT ISCH DENN SCHLUSS MIT MINE GROSSE FÄRSLI
NO IMMER GRIERT VO DÄMM ERFOLG WIE E HAASE HÄRZLI
SINN MIR ZÄMME ALLI STOLZ UFF UNSRI LEISCHTIG
DAS BRINGT UNS WITTER IM SPORT ABER AU GEISCHTIG
WENN AU E PAAR DEN HEIME GÖHN E BITZLI BSOFFE
MIR BLIIBE JETZT FÜR IMMER EIDGENOSSE!
HÄRZLIGGI GRATULATION EUCH ALLNE
EURE BUFFY ALIAS NIT DE SINGVOGEL